Ծրագրի նկարագրություն

Website Cover

Նոր կորոնավիրուսով ստեղծված արտակարգ դրության պայմաններում Հանրային լրագրության ակումբը նախաձեռնեց «Կովիդ-19 արագ արձագանքում» ծրագիրը, որի իրականացման ամբողջ աջակցությունը ցուցաբերեց Բաց հասարակության հիմնադրամներ – Հայաստանը։

Ծրագիրը նպատակաուղղված է խթանելու հանրության իրազեկվածության մակարդակի բարձրացմանը կորոնավիրուսի և դրանով պայմանավորված նոր իրավիճակի վերաբերյալ։

Քրոնիկոնի մասին

Հայաստանում նոր կորոնավիրուսի տարածման առաջին օրվանից հրապարկված կարևոր նորություններն ու հայտարարությունները, ինչպես պաշտոնական անձանց և հանրային դեմքերի կողմից, այնպես էլ արժանահավատ և փաստարկված այլ աղբյուրներից կարող եք տեսնել այս հարթակի Քրոնիկոն բաժնում։

Տեղադրված ինֆորմացիան ներկայացվում է ըստ ժամանակագրության՝ սկսած Հայաստանում կորոնվիրուսով առաջին վարակակրի հայտանբերման օրվանից՝ մարտի 1-ից:

Այս ժամանակագրական ժապավենի նպատակն է հավաքագրել և մեկտեղել արտակարգ դրությամբ և նոր կորոնավիրուսով պայմանավորված տեղեկատվությունը, պարզեցնել դրանց որոնումը հասարակության համար՝ դարձնելով այն հանրային՝ բաց տվյալների հարթակ։ Օգտագործված աղբյուրների ցանկին կարող եք ծանոթանալ այստեղ։

DSC_7036
00DSC_5718

Վավերագրական Ֆիլմերի մասին

Վավերագրական ֆիլմերը ներկայացված են այս հարթակի Ոլորտներ բաժնում։ ՀԼԱ-ն արտակարգ դրության և նոր կորոնավիրուսով պայմանավորված հայաստանյան իրավիճակի նկարագրության համար կատարել է չորսը ոլորտների բաժանում՝ առողջապահություն, կրթություն, սոցիալական և տնտեսական։ Համապատասխանաբար այս բաժիններում զետեղվելու են թեմատիկ հարցազրույցներ, հետազոտություններ, տեսանյութեր և այլ մուլտիմեդիա արտադրանքներ։

Ֆոտոցուցահանդեսի մասին

Ֆոտոցուցահանդես բաժնում ներկայացված են լինելու ֆոտոլրագրողների վավերացրած նյութերը, որոնք մեզ կպատմեն Նոր կորոնավիրուսային համավարակով պայմանավորված արտակարգ դրության օրերի մասին։ Այս բաժինը կլինի յուրատեսակ ֆոտո-ճամփորդություն այն մասին, թե ինչի միջով անցանք մենք բոլորս 2020-ի արտակարգ ամիսներին և ինչ էր կատարվում մեր շուրջը արտակարգ դրության օրերին։

DSC_5036
Report (1)

Հետազոտության մասին

Հանրային լրագրության ակումբի պատվիրակամամբ Հարություն Ծատրյանի կողմից իրականացվել է հետազոտություն՝ արտակարգ դրության ժամանակահատվածում ԶԼՄ-ներին վերաբերող օրենսդրական փոփոխությունների վերաբերյալ, թե ինչպես կառավարությունների կողմից սահմանափակվեց մեդիայի գործունեությունը Հայաստանում և մի շարք այլ երկրներում՝ լրագրողների, ԶԼՄ-ների համար բարդ և հաճախ անհասկանալի դրություն ստեղծելով։ Հետազոտությունը բաղկացած է մի քանի բաղադրիչներից՝

  • Իրավիճակի և առկա դրության նկարագրություն, որտեղ ներկայացվում են արտակարգ դրություն մտցնելու նախադրյալներն ու հիմքերը։
  • Մեդիայի աշխատանքի սահմանափակումները Հայաստանում, որտեղ ներկայացվում են մեդիաների նկատմամբ կիրառվող սահմանափակումները, օրենսդրական ձևակերպումները, մեդիայի արձագանքն ու իրավիճակի խնդրահարույց դրույթները։
  • Մեդիայի աշխատանքի սահմանափակումն աշխարհում, որտեղ ներեկյացվում են աշխարհի այլ երկրներում արտակարգ դրությամբ պայմանավորված սահմանափակումների վերաբերյալ մեթոդաբանական մոտեցումներն ու օրենսդրական սահմանափակումները, նաև ի համեմատություն հայաստանյան իրավիճակի հետ։
  • Եզրահանգումներ, որտեղ վերլուծական մոտեցմամբ ձևակերպված են հիմնախնդիրները, դրանց վիճահարույց կողմերը և հետևանքները, որոնց հանգել են։

Չաթբոտի մասին

«Հայաստանի ազդարարման ալիք» չաթբոտ ծառայություն: Ծառայության նպատակն է նպաստել հանրային իրազեկվածությանը և մատչելի ու պարզ միջոցով բնակչության տեղեկացվածության մակարդակի բարձրացմանը։  Այս ծառայությունը բացառիկ է և՛ իր տեսակով, և՛գործընկերության մակարդակով։ Հասարակական կազմակերպության, հայաստանյան և միջազգային ՏՏ ընկերությունների ուժերի և ռեսուրսների մեկտեղման արդյունքում ստեղծվել է նորարարության կիրառմամբ այնպիսի ծառայություն, որը կիրառելի կարող է լինել ցանկացած արտակարգ իրավիճակում (Facebook – ֆեյսբուքյան էջ, Messenger – չաթբոտ մեսենջեր, Telegram – Տելեգրամ ալիք):

Հայաստանի ազդարարման ալիք չաթբոտ

Սոցիալական տեսահոլովակներ

«Կովիդ-19. արագ արձագանքում» ծրագրի հանրային իրազեկման բաղադրիչում անմասն չեն մնացել սոցիալական տեսահոլովակները, որոնք նկարահանվել են ՀԼԱ-ի կողմից։ Սոցիալական տեսահոլովակների ստեղծման գործընթացին մասնակցել են բազմաթիվ դերսաններ, երգիչներ, իրավապաշտպաններ, բժիշկներ, երեխաներ և ՀՀ քաղաքացիներ՝ դրանով այն մատչելի և հասանելի դարձնելով հանրության բոլոր խմբերի համար։ ՀԼԱ-ն հատուկ ուշադրություն է դարձրել նաև ներառականությանը և իր սոցիալական տեսահոլովակներում ապահովել է համաժամանակյա ժեստերի լեզվով թարգմանությունը։

#Տանը_մնա

Կարևոր չէ, թե ինչ լեզվով կամ լեզվի որ մի բարբառով ենք մենք խոսում, կարևորը մեր ընկալումն ու միասնական վարքագիծն է իրադարձային ու որոշիչ պահերին: Այժմ մենք տանն ենք և կոչ ենք անում բոլորին կիսել տանը մնալու իրենց տեսակետը: Հիմա ճիշտ ժամանակն է սովորել հեռավար աշխատանքն ու տեխնոլոգինաերի միջոցով ժամանակն ու ռեսուրսները խնայելու և ապագայում ավելի հեշտ ու արդյունավետ ապրելու բանաձևը մշակելու համար: Ահա լավագույն առիթը ինչ-որ բան սովորելու, ընտանիքի անդամների հետ ավելի ջերմ մթնոլորտում հաղորդակցվելու և հանրային առողջությանը չվնասելու համար: Մնա տանը և կարդա, մնա տանը և սովորիր, մնա տանը և սովորեցրու, մնա տանը և կիսվիր տանը լինելու հաջողության քո գրավականով, մնա տանը՝ էներգիայով լի ու սպասումով, որ վաղն ավելի լավ է լինելու, քան երեկ և յուրաքանչյուր անգամ տանը մնալու կոչը մեզ կբերի մոտալուտ հաղթանակ և ազատություն ամենուր: Հիմա մենք՝ բոլորս ավելի ենք կարևորում և գնահատում ազատությունը հանուն որի պիտի կայացնենք միասնական որոշում՝ մնալով տանը: Հանրային լրագրության ակումբը իրականացնում է #Մնա_տանը նախաձեռնությունը և կիսվում է արշավի լեզվական և բարբառային բազմազանության ամենատարբեր ձևերով:

#մի_համբուրվիր

Շատ մշակույթներում համբույրը ողջագուրվելու ձևերից մեկն է։ էսկիմոսներն իրար հանդիպելիս համբուրվում են քթերի ծայրերի հպումով։ Ինդոնեզիայում նախընտրում են երկու անգամ համբուրել նույն այտը, եթե մյուս անձը հարազատ է։ Ֆիլիպիններում ավանդական համբույրի դեպքում մարդիկ կբռնեն ձեր ձեռքը և կսեղմեն այն ճակատին՝ որպես հարգանքի նշան: Ֆրանսիայում դուք կարող եք գտնել համբույրով դիմավորելու տարբեր եղանակներ. երեքից՝ չորս։ Արգենտինայում և Ուրուգվայում տղամարդիկ համբուրվում են մեկ անգամ ու ջերմորեն գրկում միմյանց։ Հայաստանում կանայք հիմնականում մեկ համբույրով են ողջագուրվում։ Տղամարդիկ մտերիմների հետ ձեռքով բարևում, ջերմորեն գրկախառնվում և մեկ անգամ համբույրով են ողջագուրվում։ Առողջապահության համաշխարհային կազմակերպությունը զգուշացնում է՝ նոր կորոնավիրուսը հաղթահարելու համար մենք պետք է պահպանենք սոցիալական հեռավորություն, եթե հասարակական վայրերում հանդիպում եք մեր մտերիմներին, ապա պետք է պահե՛նք՝ 1.5-2 մետր հեռավորություն Ձեր ընտանիքի անդամներն ու հարազատները շնորհակալ կլինեն ձեր հոգատարության ու զգուշության համար։ #մնատանը

#միասին_հոգ_տանենք

Վիրտուալ գրկախառնություններ, ինքնամեկուսացում, հեռավորության պահպանում, ինքնախնամք, հոգատարություն, միասնական գործելակերպ հանուն մեկ նպատակի, որպեսզի բոլորս լինենք առողջ և երջանիկ։ #մնատանը, կիսիր երջանկությունը ընտանիքիդ անդամների հետ։

Կորոնավիրուսի մասին

“International Sos” ընկերության կողմից ամփոփվել է այն ամենը, ինչ անհրաժեշտ է իմանալ նոր կորոնավիրուս հիվանդության մասին․ ի՞նչ է այն, ի՞նչ ախտանիշներ ունի, ինչպե՞ս խուսափել վարակվելուց և այլ հարցերի պատասխաններ կգտնեք այստեղ։ Այս շարքը թարգմանվել է Հանրային լրագրության ակումբի կողմից:

Վեբինարներ, քննարկումներ

Այս վեբինարների հիմքում մի քանի կարևոր թեմաներ են, որոնք համավարակի պայմաններում է՛լ ավելի արդիականացել են և մեծացրել են պահանջարկն իրենց նկատմամբ, օրինակ՝ հոգեբանական թեմաներ, որոնք աջակցում են վեբինարների մասնակիցներին և հետևորդներին հաղթահարել հոգեբանական լարվածությունն ու խոչընդոտները արտակարգ դրության, մեկուսացման և ինքնամեկուսացման պայմաններում, բժշկական թեմաները՝ սեփական առողջության պահպանման վերաբերյալ, առկա են նաև փաստերի ստուգման և տեղեկությունների ճշգրտման, մեդիագրագիտության և քննադատական մտածողության վերաբերյալ մի շարք թեմաներ։

Օգտակար հղումների ցանկ